«Бүгүн ижарачы кадастрдык пландар менен келген учур болду. Мурда берилген бардык документтер, анын ичинде кызыл жана жашыл китептер, макулдашылган мөөнөт ичинде күчүндө калат. 5 жылдык мөөнөттөр жана башка мөөнөттөр боюнча документтер бар. Алардын мөөнөтү аяктаганда жаңы кадастрдык пландарды түзүү иши жүргүзүлөт», - деп түшүндүрдү Майнаева.
Ошондой эле жыйында жеке менчикке сатылган жер участкалары боюнча маселе каралды. Муниципалдык жерлер рыногу бөлүмүнүн жетекчиси Мирлан Бузурманкулов, мындай участкалардын сатып алуучулары өз менчик укуктарын сактап калат деп тактады.
«Эгер участок сатылып, кызыл китеп катары катталган болсо, ал күчүндө калат. Сатуу процессинин каттоосу жүргүзүлөт, жана менчик ээсинде кызыл китеп калат. Бирок учурда жаңы кызыл китептер берилбейт, анын ордуна жөн гана QR-код берилет», - деп кошумчалады ал.
