Ал 2020-жылга чейин көптөгөн фракциялар коррупциялык схемалардын кызыкчылыгында иш алып барып, уюшкан кылмыштуулук менен байланышта болгонун, бул болсо жарандардын депутаттарга жана мамлекеттик институттарга болгон ишенимин жок кылганын белгиледи.
Президент кошумчалады: "Кээ бир депутаттар жөн гана өз имиджин көтөрүү менен алектенишкен, ал эми башкалары акча үчүн өздөрүнө же чет өлкөлүк уюмдарга пайдалуу мыйзамдарды жазышкан. Менин мурдагы кесиптештерим бул тууралуу жакшы билишет".
Садыр Жапаров жаңы чакырылыш бул жол менен жүрбөйт деген үмүтүн билдирди. Ал ошондой эле депутаттарды комитет жыйынына министрлерди чакырууну талап кылбоого чакырып, министрлердин түнү-күнү иштеп жатканын баса белгиледи.
