Бул долбоор жарандардын ыңгайлуу жашоосу үчүн толук социалдык инфраструктураны түзүүнү көздөйт. Аймакта мектептер, бала бакчалар, поликлиникалар, ооруканалар, реабилитациялык борборлор, ошондой эле милиция бөлүмдөрү жана өрт-куткаруу кызматтары курулат. Досуг жана эс алуу үчүн 50 гектар аянтта чоң парк жана заманбап спорттук жана балдар аянтчалары куруу пландалууда.
Мамлекет башчысы: "Биз борборду жана өлкөнүн бардык региондорун өнүктүрүү үчүн аракеттерди улантып жатабыз, элдин бакубаттуулугу үчүн шарттарды түзүп жатабыз" - деп белгиледи.
Ал: "Бул шаарчаны куруунун башталышы – бул биздин келечек муундарга гүлдөгөн Бишкек, заманбап жана өнүккөн шаар калтыруу үчүн болгон аракетибиз" - деп кошумчалады.
Президент ошондой эле: "Азыркы учурда 200 миңден ашык жаран турак жайга муктаж, ошондуктан мындай ири долбоор зарылчылык болуп саналат. Биз элдин муктаждыктарына көңүл бурбастан жана анын батасын албастан, чыныгы өнүгүүгө жетише албайбыз. Элдин колдоосу жана ишеними – бул биздин негизги күчүбүз. Биз "Алтай" долбоору бул күтүүлөрдү актаарына жана элдин ыраазычылыгына татыктуу ишке айланарына ишенебиз" - деди.
Капсула коюу аземинен кийин президент Садыр Жапаров иш-чарага чакырылган Первомай районунун тургундары менен баарлашты.
Ал алардын сунуштарын угуп, тиешелүү мамлекеттик органдарга жарандардын кайрылууларын кылдат карап чыгуу жана зарыл чараларды көрүү боюнча тапшырма берди.
