Ал өз билдирүүсүндө: "Адамдардын оттон каза болгону тууралуу кайгылуу жаңылыкты терең кайгырып кабыл алдым" деп белгиледи.
Мамлекет башчысы Кыргыз Республикасынын элинин атынан каза болгондордун үй-бүлөлөрүнө жана жакындарына чын жүрөктөн көңүл айтты, алардын кайгысын бөлүшүп, жабыркагандарга тез арада сакайып кетүүнү каалады.
Маалыматка ылайык, 26-ноябрда Гонконгдун Тай По районунда жети турак жай комплексинде өрт чыгып, анда болжол менен 2 миң батир жайгашкан жана 5 миңге жакын адам жашайт. 27-ноябрдын таңында 55 адамдын курман болгону белгилүү болду. 45 адамдын абалы оор, ал эми 279 киши дайынсыз жоголгон деп эсептелүүдө.
Бул окуя Гонконгдун тарыхындагы турак жайдагы эң трагедиялуу өрт болуп калды. Полиция үч шектүүнү кармады, аларды кыянаттык менен өлтүрүүгө айыптоодо.
