Түркиянын президенти Режеп Тайип Эрдоган, урбанизация маселелерине арналган саммитте сүйлөп жатып, бийлик куткаруу кызматтарынын аракеттерин координациялоону улантып жатканын жана окуя болгон жерге жетүүнү камсыз кылуу үчүн аракет кылып жатканын билдирди.
Эрдоган көңүл айтып: "Биз терең кайгыруу менен билдиребиз, биздин Азербайжандан келе жаткан аскердик учагыбыз Грузия менен чектеш жерде кырсыкка учурады. Куткаруу топторунун кырсык болгон жерге жетүүсү үчүн бардык аракеттерди жасап жатабыз. Бул трагедиядан минималдуу жоготуулар менен чыгууга үмүттөнөбүз", - деди.
Грузиянын Ички иштер министрлигинен билдиришкендей, учак Сигнахи аймагында, Азербайжан менен чектеш жерден болжол менен беш чакырым алыстыкта кырсыкка учураган. Учак Грузиянын аба мейкиндигине киргенден кийин байланыш жоголгон жана учак кырсык тууралуу сигналдарды берген эмес.
