Каныбек Досмамбетовдун кандидатурасы Конституциялык мыйзамдар жана жергиликтүү өз алдынча башкаруу маселелерин караган Комитеттин жыйынында талкууланды.
Жыйында Алмасбек Абытов Каныбек Досмамбетов жөнүндө маалымат берди. Депутат Венера Салямова саламаттыкты сактоо тармагындагы кадр саясатына байланыштуу маселелерди көтөрдү, ал эми Кубанычбек Самаков Нарын облусунун медициналык мекемелерин медициналык ресурстар менен камсыз кылуунун зарылдыгына көңүл бурду, анын ичинде Нарын, Ат-Башы жана Ак-Талаа райондору.
Талкуунун жыйынтыгында Комитет кандидатураны жактырып, Каныбек Досмамбетовдун Кыргыз Республикасынын саламаттыкты сактоо министри кызматына дайындалышын акыркы макулдашуу үчүн Жогорку Кеңешке жөнөтүүнү чечти.
