Баткен облусунун Ички иштер министрлигинин Унаа жана жол кыймылынын коопсуздугу башкармалыгынан алынган маалыматка ылайык, аталган унаа жол кырсыгына катышып, айдоочу окуя болгон жерден качып кеткен. Изи издөөдө болгон унааны 80-километр Ош–Баткен–Раззаков трассасында орнотулган «Авто-Ураган» стационардык аппараттык-программалык комплекси аркылуу табууга мүмкүн болду.
УОБДДнын маалыматы боюнча, бул комплекс күн сайын жол кыймылынын эрежелерин бузган 20 чамалуу унааны аныктайт.
«Авто-Ураган» системасы иштей баштагандан бери 11 айдын ичинде 3 миң 943 унаа катталган жана кармалган, алардын арасында бирөө издеодо болгон.
