2023-жылдын 26-декабрында өткөн өнөр жай саясат, транспорт, отун-энергетика комплекси, архитектура жана курулуш боюнча комитеттин кезексиз жыйынында 2050-жылга чейин эсептелген Бишкектин Генералдык планынын долбоору талкууланды.
Доклад менен Бишкек шаарынын мэринин орун басары Азамат Кадыров чыгып, жаңы Генералдык план боюнча негизги аспектилерди айтып берди.
Долбоордун иштеп чыгуучуларынын бири Ирина Гришечкина шаарды өнүктүрүүнүн келечеги боюнча маалыматтарды сунуштап, планда Бишкектин аймактык жана социалдык өзгөчөлүктөрү, калктын өсүшүнүн болжолдорун, социалдык, инженердик жана транспорттук инфраструктуранын учурдагы абалын, ошондой эле экологиялык жана маданий факторлорду эске алганын белгиледи.
Депутат Дастан Бекешев долбоордо жеке мобилдүүлүк үчүн бөлүнгөн тилкелердин бар-жогун сурап, Бишкектеги экологиялык абалды жакшыртууга багытталган чаралар тууралуу кызыкты.
Депутат Гуля Кожокулова борбордун борбордук бөлүгүндө көп кабаттуу турак жай комплекстерин курууда мыйзамдык нормаларды сактоонун маанилүүлүгүн белгилеп, тарыхый-мәдени мурастарды коргоонун маанисин баса белгиледи.
Анын айтымында, шаардык турак жай фонду шаар куруу саясатына жана бардык зарыл нормаларды сактоого ылайык өнүгүшү керек.
Депутат Рахат Жунушбаева өнөр жай зоналарын жана борборлорду түзүү жана колдоо үчүн темир жол инфраструктурасын өнүктүрүүнүн зарылдыгына көңүл бурду.
