«Бардык адамдарды Бишкекке көчүрүү туура эмес, өлкөнүн бардык региондорун өнүктүрүү керек. Биздин Генпланда калк саны 1 миллион 920 миңге жетет деп болжолдойбуз. Эгер бул сан 2,5 миллионду ашып кетсе, борбор инфраструктурага жана жолдорго түшкөн жүктөмдөр менен күрөшүүдө кыйынчылыктарга дуушар болот», — деп кошумчалады архитектор.
Генералдык план шаар үчүн узак мөөнөттүү өнүгүүгө багытталган стратегиялык документ болуп, Бишкектин позицияларын бекемдөөгө, борборду Борбордук Азиянын финансылык жана логистикалык борборуна айландырууга, экономиканы диверсификациялоого жана ыңгайлуу шаардык чөйрөнү түзүүгө арналганын эске салуу керек.
