Бул маалыматты облустук жол кыймылынын коопсуздугун камсыздоо башкармалыгы берди.
Ведомствонун маалыматына ылайык, жол кыймылынын эрежелерин сактоону көзөмөлдөө инспекторлору күчөтүлгөн режимде иштеп жатышат.
«Рейддин натыйжасында бир күндүн ичинде 414 жол кыймылынын эрежелерин бузуу фактысы катталды. Анын ичинен 13 айдоочу унааны алкоголдук мас абалында башкарса, 38 айдоочу каршы тилкеге чыгып, эрежелерди бузду, ал эми 9 адам зарыл документтерсиз транспорт каражаттарын башкарды. Натыйжада 29 унаа айып короолоруна коюлду», — деп айтылат маалыматта.
- «Рулда» рейди Жалал-Абад облусунда 1-январдан башталып, 15-январга чейин уланат. Иш-чаранын негизги максаты — жолдордо коопсуздукту жогорулатуу, жол кырсыктарын алдын алуу жана айдоочулардын жол кыймылынын эрежелерин сактоосун күчөтүү.
