Бул тууралуу бүгүн, 12-январда Баткен облусунун Ички иштер башкармалыгынын жол кыймылынын коопсуздугун камсыздоо бөлүмүнүн 2025-жылдагы 12 айлык ишинин жыйынтыктарын чыгаруу боюнча оперативдик жыйынында маалымдалды.
Жыйында Кыргыз Республикасынын Ички иштер министрлигинин жол кыймылынын коопсуздугун камсыздоо башкы башкармалыгынын орун басары, милициянын подполковниги Айбек Жумагулов, Баткен облусунун Ички иштер башкармалыгынын начальниги, милициянын полковниги Улан Жукенов, Баткен облусунун Ички иштер башкармалыгынын жол кыймылынын коопсуздугун камсыздоо бөлүмүнүн начальниги, милициянын подполковниги Талайбек Намазбеков, ошондой эле райондук жана шаардык бөлүмдөрдүн жетекчилери жана улук инспекторлор катышты.
Жыл башынан бери Баткен облусунун Ички иштер башкармалыгынын жол кыймылынын коопсуздугун камсыздоо бөлүмдөрү тарабынан жалпы 50 миң 909 жол эрежелеринин бузулушу аныкталган, мамлекеттик бюджетке 66 млн 517 миң 670 сом айып пул катары өндүрүлгөн.
Аныкталган бузулуштар:
алкогольдук мас абалында транспорт каражатын башкаруу — 1 миң 108 айдоочу;
белгиленген ылдамдыкты ашыруу — 7 миң 798 айдоочу;
стёклоорду мыйзамсыз караңгылатуу — 268 айдоочу;
транспорт каражатын тиешелүү документтерсиз башкаруу — 1 миң 824 айдоочу;
автохулигандык — 63 айдоочу;
жол белгилеринин талаптарын аткарбоо — 14 миң 063 айдоочу.
«Ар кандай жол эрежелеринин бузулушу үчүн 6 миң 200 унаа айып токтотуучу жайга коюлду.
Ошондой эле, санариптештирүү боюнча тапшырмалар, кызматтык тартипти катуу сактоо, мыйзамдуулукту, коомдук тартипти камсыздоо жана жол кыймылынын коопсуздугун жогорулатуу боюнча тапшырмалар берилди.
Эскерте кетсек, 2025-жылы облус аймагында жол кырсыктарынын натыйжасында 41 адам каза болгон, бул 2024-жылга салыштырмалуу бир учурга аз», - деп айтылат маалыматта.
