Бул тууралуу Нарын облусунун Ички иштер башкармалыгынын жол кыймылынын коопсуздугун камсыздоо бөлүмүнөн билдиришти.
Ведомствонун маалыматы боюнча, иш-чара республикалык «Жол кыймылынын эрежелерин сактоо – жашоонун кепилдиги!» айлыгынын алкагында уюштурулган. Анын негизги максаты – региондо жол кырсыктарын алдын алуу жана айдоочулардын жол кыймылынын эрежелерин так сактоосун камсыздоо.
Иш-чаранын жүрүшүндө облусунун Жол кыймылынын коопсуздугун камсыздоо башкармалыгынын жетекчилиги жана жеке курамы шаарларда жана райондордо айдоочулар менен түшүндүрүү иштерин жүргүзүштү. Ошондой эле айдоочуларга жол белгилерин эскерткен жана жол кыймылынын эрежелерин сактоого чакырган жазуулары бар кружкалар берилди.
Атап айтканда, кружкаларда мындай жазуулар болду: «Адамдын жашоосу – баа жеткис», «Тездикти төмөндөт», «Айдоочу, шашпа», ал эми ичиндеги таттуулар менен толтурулган.
