Орунбеков Жапыкеевге "кухондук сүйлөшүүлөр" убактысы өтүп кеткенин эске салды, анда шылуундуктарды жазбай эле таратууга мүмкүнчүлүк болгон. "Сыймык мырза, сиз көзөмөлсүз сүйлөөгө көнүп калгандайсыз. Мен сизди жалган жана жалаа таратуудан алыс болууга чакырам", - деди ал.
Анын айтымында, президент ким менен жолугушарын өзү чечет жана эч кимден уруксат сурабайт. Орунбеков мамлекет башчысынын өлкөдөгү учурдагы окуялардан кабардар экенин жана курултайдагы делегаттардын чыгыштарын да камтыган биринчи колдон маалымат алып жатканын белгиледи.
Мындан тышкары, президент зарылчылык болсо жергиликтүү жана райондук жетекчилер менен түз байланышып, керектүү маалыматтарды ала алаарын айтты.
Орунбеков ошондой эле өзү президентке сейрек кайрыларын, анткени анын иши жалпы маалыматтык саясат менен байланышканын, ал эми пресс-катчы мамлекет башчысынын жанында экенин белгиледи.
Акырында, ал Жапыкеевди "жалган жана жалаа таратууну" токтотууга чакырып, аны "кухондук генерал" деп атады.
