Интернеттен алынган сүрөт
Ал учурда эски күбөлүктөрдү алмаштыруу акысыз өтүп жатканын билдирди. Жарандарга процедураны аяктоо үчүн бир ай берилет, бирок, эгер кимдир бирөө үлгүрбөсө, мөөнөттү узартуу мүмкүнчүлүгү бар.
Ошондой эле, документти алмаштыруу үчүн мурда милдеттүү болгон 083 формасындагы медициналык маалымдаманы берүү талабы жокко чыгарылды, бул процессин кыйла жеңилдетет.
Орунбеков өз сөзүндө эски күбөлүктөрдү алмаштыруунун бир нече себептерин белгиледи. Биринчиден, алар көп учурда жасалма болуп, Кыргызстандан тышкары дагы мындай учурлар катталып жатат. Мындан тышкары, көптөгөн күбөлүктөрдүн сүрөттөрү жана тексттик маалыматтарынын тактыгы жоголгон. Экинчиден, бир катар өлкөлөр мындай документтерди тааныбайт.
Эски күбөлүктөрдүн ордуна берилген жаңы айдоочулук күбөлүктөр бир нече чет өлкөлөрдө таанылат жана санариптик коргоо менен камсыздалган, бул жасалма болуу мүмкүнчүлүгүн минималдаштырат.
Алмаштыруу процессинин аяктаганынан кийин эски күбөлүктөр күчүн жоготот.
«Тундук» системасында катталбаган жарандар тиешелүү мамлекеттик мекемелерге кайрылышы керек. Ал эми системадагы маалыматтары бар жарандар интернет аркылуу күбөлүктөрүн алмаштыруу мүмкүнчүлүгүнө ээ болушат.
