Туманбаев, жарандардан айдоочулук күбөлүктөрү боюнча көптөгөн суроолор келип жатканын белгиледи.
«Бул боюнча мен кырдаалды тактоо чечимине келдим. Президенттин буйругуна ылайык, 15-январдан 15-февралга чейин эски мөөнөтсүз күбөлүктөрдү жаңысына акысыз алмаштыруу үчүн мөөнөт белгиленген. Бул мүмкүнчүлүктөн азыр эле пайдаланып калууну сунуштайм», — деп кошумчалады ал.
Эске салсак, жаңы үлгүдөгү айдоочулук күбөлүктөр 2025-жылдын ноябрынан баштап берилет. Мөөнөтсүз күбөлүктөрдү жаңысына алмаштыруу Мамлекеттик транспорт каражаттарын жана айдоочуларды каттоо агенттигинде жүргүзүлөт.
