Sputnik агенттигине берген интервьюсунда Кыргыз Республикасынын президентинин администрациясынын маалыматтык саясат кызматынын жетекчиси Дайырбек Орунбеков 2026-жылдын апрель айынан тартып мамлекеттик массалык маалымат каражаттарынын кызматкерлеринин айлык акысы жогорулатылары тууралуу маалыматты тастыктады.
Ал учурда бул маселени чечүү үчүн зарыл болгон эсептөөлөр жүргүзүлүп жатканын белгиледи. Ошондой эле 2026-жылдын февраль айынан баштап ТРК «Мир» улуттук филиалынын кызматкерлеринин айлык акысын жогорулатуу пландалган.
