Бишкекте өкмөт башчы Адылбек Касымалиев Кыргыз Республикасынын Куралдуу Күчтөрүнүн бюджетинин акыркы бир нече жылда 2018-2019-жылдар менен салыштырганда 300% дан ашык өскөндүгүн билдирди. Бул билдирүү 81 даана автоунааны Коргоо министрлигине өткөрүп берүү аземинде айтылды.
Ал белгилегендей, көрсөтүлгөн мезгилде өлкөнүн коргонуу жөндөмдүүлүгү кыйла күчөтүлгөн. Каржылоонун көбөйтүлүшү армиянын материалдык-техникалык базасын модернизациялоого, ошондой эле заманбап курал-жарак жана аскердик техника сатып алууга, анын ичинде абадан коргонуу системаларына жана радиоэлектрондук күрөш каражаттарына, ошондой эле аскер бөлүктөрүнүн жана гарнизондордун инфраструктурасын өнүктүрүүгө каражат бөлүүгө мүмкүнчүлүк берди.
Өкмөт башчынын айтымында, коргонуу потенциалын күчөтүү боюнча иш-чаралардын алкагында көптөгөн заманбап аскердик техника жана курал-жарак сатып алынган.
