Кыргыз Республикасынын Президенти Садыр Жапаров коргоо объектилерин жана адамдарды коргоо чараларын жакшыртуу максатында жарлыкка кол койду. Мамлекеттин Конституциясынын 70 жана 71-беренелерине ылайык, жарлыкта төмөнкүлөр көрсөтүлгөн:
Кыргыз Республикасынын Президентинин алдында 9- Мамлекеттик улуттук коопсуздук комитетинин негизинде Мамлекеттик күзөт кызматы түзүлөт (мындан ары – Мамлекеттик күзөт кызматы).
Мамлекеттик күзөт кызматы Кыргыз Республикасынын Президентине түздөн-түз баш ийген атайын мамлекеттик орган болуп, мыйзамдарда белгиленген өзүнүн компетенциясы чегинде коргоого алынган адамдардын жана объектилердин коопсуздугун камсыздоо боюнча иш-чараларды ишке ашырууга жооп берет.
Төмөнкүлөрдү белгиленет:
– Мамлекеттик күзөт кызматынын төрагасы Кыргыз Республикасынын Президенти тарабынан дайындалат жана кызматтан алынат;
– Мамлекеттик күзөт кызматынын төрагасынын орун басарлары төрагадан сунуш боюнча Президент тарабынан дайындалат жана кызматтан алынат.
Мамлекеттик күзөт кызматынын ишмердүүлүгүнүн юридикалык негиздери Кыргыз Республикасынын Конституциясын, Кыргыз Республикасынын «Мамлекеттик күзөт жөнүндө» мыйзамын, ушул жарлыкты жана Кыргыз Республикасынын башка нормативдик укуктук актыларын камтыйт.
Мамлекеттик күзөт кызматынын жобосу, ошондой эле анын штаттык саны жана структурасы Кыргыз Республикасынын Президенти тарабынан бекитилет.
Кыргыз Республикасынын Министрлер Кабинетине тапшырылат:
– Өз чечимдерин ушул жарлыкка ылайык келтирүү;
– Ушул жарлыктан келип чыккан башка чараларды кабыл алуу.
Жарлык расмий жарыяланган учурдан тартып күчүнө кирет.
