Жогорку Кенештин спикери Нурланбек Тургунбек уулу өз ыктыяры менен кызматтан кетүү чечимин кабыл алганын билдирди.
Ал Түркияга расмий сапары учурунда өлкө ичинде маанилүү окуялар болуп өткөнүн, бул анын жеке жашоосу тууралуу көптөгөн ушактарга жана ойлорго себеп болгонун белгиледи.
«Мен жеке адамдар үчүн эмес, мамлекет жана эл үчүн иштейм. Мени конкреттүү адамдар менен байланыштыруу туура эмес», - деп баса белгиледи ал.
Спикер, кайра шайланган соң, мамлекеттик маанидеги чечимдерди кабыл алууга чоң салым кошконун, ошондой эле парламент саясий туруктуулукту сактоодо жана өлкөнү өнүктүрүүдө маанилүү роль ойногонун айтты.
«Бардык зарыл жана маанилүү мыйзамдар кабыл алынды. Бизге саясий маданият керек», - деди ал.
Мындан тышкары, ал отставка чечимин өз алдынча, эч кандай кысымсыз кабыл алганын билдирди.
