Өзүнүн сөзүндө Маматалиев парламент ар тараптуу колдоо көрсөтүүнү улантаарын белгиледи. «Бизди кыргызстандыктар жаңы эле шайлашты, бизге элдик ишеним мандатын беришти. Силердин үмүттөрүңөрдү актаарбыз деп үмүттөнөм. Биздин өлкө биримдикте, аны бөлүүгө жол бербейбиз», — деди спикер.
Маматалиев ошондой эле парламенттин ишин жакшыртуу боюнча аракеттерин улантаарын, санариптешүүгө көңүл бурууну белгиледи. Маалымат алмашуу үчүн шайлоочулар менен жолугушуулар маанилүү багыт болот. «Депутаттар менен биргеликте 30 округду кыдырып, актуалдуу маселелерди чечебиз», — деп кошумчалады ал.
Мындан тышкары, спикер Жогорку Кеңештин Аппаратына атайын талкуу аянтчаларын уюштуруу жана маанилүү маселелер боюнча оперативдүү жыйындарды өткөрүү механизмин иштеп чыгууга тапшырма берди.
«Биз зарыл болгон мыйзамдарды кабыл алып, алардын аткарылышын көзөмөлдөп турабыз. Бизде бул үчүн бардык ыйгарым укуктар жана ресурстар бар», — деп жыйынтыктады Марлен Маматалиев.
