Жыйында баяндамачы катары Мамлекеттик чек ара кызматынын төрагасы Абдикарим Алимбаев сөз сүйлөдү.
Алимбаев өз сөзүндө мыйзам долбоору «Төмөнкү-Чүй-автодорожный» («Камышановка-автодорожный») жана «Кичи-Капка-автодорожный» өткөрүү пункттарынын статусун эки тараптуу режимден көп тараптуу (эл аралык) режимге өткөрүүнү сунуштай турганын белгиледи. Мындан тышкары, «Төмөнкү-Чүй-автодорожный» өткөрүү пунктунун иш режимин күндүзгү убакыттан 24 сааттык режимге өзгөртүү сунушталууда.
«Бул өткөрүү пункттарынын статусун өзгөртүү туризмди өнүктүрүү, жүк жана жүргүнчү агымдарын көбөйтүү жана инфраструктураны жакшыртуу үчүн ыңгайлуу шарттарды түзүү зарылдыгы менен байланыштуу», – деп кошумчалады Абдикарим Алимбаев.
