Бүгүн Кыргыз Республикасынын Билим берүү министрлигинде Япониянын Эл аралык кызматташтык агенттигинин (JICA) делегациясы менен жолугушуу болду.
Билим берүү министринин орун басары Лира Самыкбаева жана JICAнын билим берүү боюнча улук кеңешчиси Мурато Тосио талкууга катышты.
Жолугушуунун жүрүшүндө тараптар билим берүү тармагындагы кызматташтыкты улантуунун багыттарын карашты. Айрыкча, катышуучулар инклюзивдик билим берүүнү өнүктүрүүнүн зарылдыгын, инфраструктураны жакшыртуу жана өзгөчө билим берүү муктаждыктары бар балдар менен иштеген адистерди даярдоо аркылуу талкуулашты.
Мындан тышкары, кесиптик окуу жайларынын материалдык-техникалык базасын жаңылоону жана инклюзивдик билим берүүнүн элементтерин кесиптик окутуу системасына интеграциялоону сунушташты. Педагогдордун жана методикаларды, стандарттарды иштеп чыгуучу, ошондой эле билим берүүнүн сапатын талдоо жана мониторинг жүргүзүү менен алектенген эксперттердин квалификациясын жогорулатуу маанилүү маселе болуп калды.
Лира Самыкбаева жапон билим берүү системасынын маанилүү тажрыйбасын белгилеп, агенттикке колдоо жана эл аралык программалардын алкагында кызматташуу мүмкүнчүлүктөрү үчүн ыраазычылык билдирди.
Мурато Тосио, өз кезегинде, JICAнын беш жылдык стратегиялык планын иштеп чыгуу жөнүндө маалымдады, анда билим берүү негизги багыттардын бири болуп саналат. Талаптарды талдаган соң, Кыргыз Республикасынын Билим берүү министрлиги менен өз ара аракеттенүүнүн приоритеттүү тармактары аныкталат.
