2026-жылдын 17-мартында Нарын облусунда, Кочкор районунда, Балыкчы — Кочкор темир жол линиясынын курулуш долбоорун ишке ашыруу алкагында буровзрывдык иштердин акыркы этабы аяктады. Иштер 37-43-километр аралыкта 13 участокто жүргүзүлдү. Биринчи жарылуу 2024-жылдын июль айында жасалды, жалпы 100 жарылуу иши жүргүзүлдү. Бул тууралуу «НК «Кыргыз темир жолу» мамлекеттик ишканасы билдирет.
Буровзрывдык иштерди аткаруу учурунда коопсуздук техникасынын бардык талаптары сакталды, натыйжада адамдар же жаныбарлар жаракат албастан, ошондой эле жакынкы курулуштар, анын ичинде турак үйлөр жана кафе зыян тарткан жок. Белгиленген графикке ылайык, коопсуздукту камсыздоо үчүн 37-39-километр аралык участоктордо жолдор убактылуу жабылды. Бул иштер технологиялык процесс үчүн маанилүү бөлүгү болуп, кыйын геологиялык шарттарда курулушту илгерилетүүгө жардам берди.
«НК «Кыргыз темир жолу» мамлекеттик ишканасы айдоочуларга, жүргүнчүлөргө жана жергиликтүү тургундарга чыдамдуулугу жана түшүнүгү үчүн ыраазычылык билдирет, ошондой эле бул маанилүү курулуш этаптын коопсуз жана сапаттуу аткарылышына көмөктөшкөн бардык адистерге жана жумушчуларга ыраазычылык билдирет.
«НК «Кыргыз темир жолу» мамлекеттик ишканасы айдоочуларга, жүргүнчүлөргө жана жергиликтүү тургундарга чыдамдуулугу жана түшүнүгү үчүн ыраазычылык билдирет, ошондой эле бул маанилүү курулуш этаптын коопсуз жана сапаттуу аткарылышына көмөктөшкөн бардык адистерге жана жумушчуларга ыраазычылык билдирет.
Балыкчы — Кочкор темир жолунун узундугу 63,4 км. Линиянын бардык узундугунда жер тилкесинин курулушу дээрлик аяктады, Кочкор районунда жана башка участоктордо курулуш иштер улантылууда, Кочкор темир жол станциясынын курулушу активдүү жүрүп жатат.
Балыкчы – Кочкор темир жолунун курулуш участокторунда буровзрывдык иштердин акыркы этабы өткөрүлгөндүгү тууралуу жазуу биринчи жолу K-News сайтында жарыяланган.
