Анын айтымында, профилдик кызматтар менен биргеликте жүргүзүлгөн текшерүүлөрдүн жыйынтыгы боюнча 23 жеке клиника текшерилген, алардын 17си убактылуу жабылган. Иштин токтотулушунун себептери санитардык талаптарга жооп бербөө, орундардын санына байланыштуу бузулуулар жана финансылык шайкешсиздиктер болгон.
«Жабылган клиникалар кайрадан текшерүүдөн өтүштү. Бардык аныкталган кемчиликтерди жоюп, белгиленген талаптарга жооп бергендер ишин кайра башташты. Учурда Манас шаарында 10дон ашык жеке медициналык мекемелер иштеп жатат. Калгандары, менин оюмча, жакынкы күндөрдө толук кандуу ишин башташат», - деп кошумчалады Улпат Назирбекова.
Кыргызстан Саламаттык сактоо министрлиги берген маалыматка ылайык, өлкө боюнча 541 жеке медициналык клиника текшерилген, алардын 263үнүн иши убактылуу токтотулган. Бул текшерүүлөрдүн негизги максаты – калкка көрсөтүлгөн медициналык кызматтардын сапатын контролдоо.
Клиникалардын жабылышынын себептери ар түрдүү болгон, лицензияда каралбаган кызматтарды көрсөтүү, санитардык нормаларды бузуу жана медициналык инструменттерди жетишсиз стерилдөө сыяктуу маселелерди камтыйт.
