Циклондордон улам пайда болгон күчтүү жамгырлар Шри-Ланкада кеминде 218 адамдын дайынсыз жоголушуна алып келди. Мамлекеттеги селдерден улам дамба жарылып, болжол менен бир миллион жергиликтүү тургун табигый кырсыктан жабыркады, ал эми 200 миңдей адам убактылуу башпаанекке жайгаштырылды.
ABC News билдиргендей, Түштүк-Чыгыш Азияда байланыш жана энергия камсыздоо боюнча олуттуу көйгөйлөр байкалууда: селдер электр өткөргүчтөрүн жана трансформаторлорду зыянга учуратты. Индонезияда дээрлик 3000 үй жабыркады, алардын 827си толугу менен кыйраган же агып кеткен. Бир жума ичинде өлкөдө 442 адам каза болду, жана жаңы курмандыктар табылган сайын бул сан өсөт деп күтүлүүдө. 290,7 миң адам мажбурлап көчүрүлгөн, жабыркагандардын жалпы саны 1,1 миллионду түзөт.
Тайландда курмандыктардын саны 170ке жетти, жабыркагандардын саны болсо дээрлик 3 миллионду түзөт. Малайзияда дагы үч өлүм учурлары катталды.
