Афганистандын коомдук саламаттыкты сактоо министрлигинин басма сөз катчысы Шарафат Заман Амархейлдин социалдык тармактагы маалыматына ылайык, өлкөнүн түндүгүндөгү жакында болгон жер титирөөдөн жабыркагандардын саны 534 адамды түзүп, каза болгондор 20дан ашты.
«Саманган жана Балх провинцияларында болгон жер титирөдө 20дан ашык жаран каза болуп, 534 адам жаракат алды», - деп билдирди ал.
Амархейл ошондой эле медициналык бригадалар окуя болгон жерде иштеп жатканын жана курмандыктар санынын көбөйүү мүмкүнчүлүгү бар экенин белгиледи. Жакынкы аймактардагы бардык ооруканалар жабыркагандарды кабыл алууга даяр болушу керек деп көрсөтмө берилди.
Америкалык сейсмология борборунун (USGS) маалыматына ылайык, жер титирөөнүн эпицентри Афганистандын түндүгүндөгү Хольм уездинен 35 чакырым алыстыкта, 10 чакырым тереңдикте жайгашкан.
