Шейшемби күнү Мармара деңизинде эки мунай танкери кагышты, алардын бири Түркиянын желеги астында, экинчиси болсо Азербайжандык. Окуя тууралуу маалымат Түркиянын транспорт жана инфраструктура министрлиги тарабынан берилди, деп билдирет РИА Новости.
Бул күнү Стамбулда шамал 75 километрге чейин жетип, бир нече паром каттамдары токтотулду.
Министрликтин билдирүүсүнө ылайык, 141 метр узундуктагы Азербайжандык Kalbajar танкери 115 метр узундуктагы Түркиянын Alatepe танкерине Кючүкчекмедже аймагында кагышты.
Окуя болгон жерге куткаруучулар жана буксир жөнөтүлгөн, министрликтин өкүлү белгиледи.
