Губернатор Юлиус Сельванустун айтымында, сел каптоосунун натыйжасында бир нече жүздөгөн турак жайлар жана административдик имараттар талкаланды.
Жамгыр дүйшөмбү күнү таң эрте Сиау аралында (Сиау Тагуланданг Биаро аймагы) башталып, селге себеп болду. Жергиликтүү бийликтин маалыматына ылайык, 444 адам мектептерге жана чиркваларга эвакуацияланды.
Куткаруу кызматтары волонтерлор менен биргеликте жоголгондорду издөө иштерин улантууда. Жергиликтүү куткаруу кызматынын маалыматы боюнча, сел каптаган аймактардагы негизги жолдор таштар, таштандылар жана балчыттан жабылган, бул жабыркагандарга жетүүнү кыйындатууда. Бийлик атайын техниканы тазалоо үчүн тарткан.
Индонезиянын метеорология агенттигинин божомолуна ылайык, январь-февраль айларында күтүлгөн жамгыр мезгилинде Ява, Сулавеси, Малуку жана Папуа аралдарында сел каптоо коркунучу кыйла жогорулайт. Ошол эле учурда Суматра жана Борнео аралдарында жамгырдын чокусун өткөн жылдын ноябрь-декабрь айларында өткөн. Ноябрь айындагы циклондун натыйжасында болгон сел жана жер көчкүнүн кесепетинен Суматрада миңден ашык адам каза болуп, жүздөгөн адамдар азыркыга чейин жоголгон катары эсептелүүдө.
