21-январдан баштап АКШнын элчиликтери Россия, Иран, Афганистан, Бразилия, Нигерия, Сомали, Египет, Ирак, Йемен жана башка мамлекеттердин жарандарына иммиграциялык визаларды берүүнү токтотот. Бул тууралуу Fox News билдирүүдө, мамлекеттик департаменттин америкалык дипломатиялык миссияларга жиберген буйругуна таянып.
Телеканал мындай чечимдин кабыл алынышын арыз берүүчүлөрдү көзөмөлдөөнү күчөтүү максатында болгонун маалымдады. Мамлекеттик департаменттин ички документтеринде мигранттардын коомго жүк болуучу социалдык жеңилдиктерди жана башка мамлекеттик жардамдарды алуу мүмкүнчүлүгүн алдын алуу максаты коюлган.
Жаңы өзгөртүүлөргө ылайык, аталган өлкөлөрдүн жарандарынын визалык арыздары күчүндө болгон мыйзамдарга ылайык четке кагылат. Ошол эле учурда, мамлекеттик департамент иммиграциялык контролдоо боюнча өз процедураларын кайра карап чыгуу ниетинде. Визаларга коюлган бул чектөөнүн мөөнөтү азырынча тактала элек.
Мурдагы маалыматтарга караганда, Ак үй хроникалык оорулары бар чет элдиктерге, мисалы, семиздик, рак же диабет менен жабыркагандарга визаларды берүү боюнча чектөөлөрдү киргизүүнү пландап жатат. Дональд Трамптын администрациясы мындай адамдар АКШда калып, социалдык колдоо программаларын колдонууга же атайын мекемелерге түшүп калышы мүмкүн деп эсептешет. Эскерте кетсек, ноябрда АКШ бардык башпаанек берүү арыздарын карап чыгууну токтоткон.
