Консулдук кызматкерлер текшерүү процедуралары кайра каралып, жаңыланганга чейин визаларды берүүдөн баш тартуу боюнча көрсөтмө алышты. Бул чара белгисиз мөөнөткө чейин күчүндө болот.
Fox News тарабынан берилген маалыматка ылайык, бул чектөөлөргө кабылган өлкөлөрдүн тизмесине төмөнкүлөр кирет: Афганистан, Албания, Алжир, Антигуа жана Барбуда, Армения, Азербайжан, Багамалар, Бангладеш, Барбадос, Беларусь, Белиз, Бутан, Босния жана Герцеговина, Бразилия, Мьянма (Бирма), Камбоджа, Камерун, Кабо-Верде, Колумбия, Кот-д’Ивуар, Куба, Демократиялык Конго Республикасы, Доминика, Египет, Эритрея, Эфиопия, Фиджи, Гамбия, Грузия, Гана, Гренада, Гватемала, Гвинея, Гаити, Иран, Ирак, Ямайка, Иордания, Казахстан, Косово, Кувейт, Кыргызстан, Лаос, Ливан, Либерия, Ливия, Түндүк Македония, Молдова, Монголия, Черногория, Марокко, Непал, Никарагуа, Нигерия, Пакистан, Конго Республикасы, Россия, Руанда, Сент-Китс жана Невис, Сент-Люсия, Сент-Винсент жана Гренадиндер, Сенегал, Сьерра-Леоне, Сомали, Түштүк Судан, Судан, Сирия, Танзания, Тайланд, Того, Тунис, Уганда, Уругвай, Өзбекстан жана Йемен.
Мамлекеттик департамент бул чечимди "public charge" (мамлекет үчүн жүк) түшүнүгү менен байланышкан нормаларды күчөтүү менен түшүндүрдү. Бул эрежелер чет өлкөлүктөрдүн АКШда мамлекеттик жардамга муктаж болуп калышы мүмкүн болгон кирүү арыздарын четке кагууга мүмкүнчүлүк берет.
Консулдук кызматкерлерге эми "public charge" критерийлерине ылайык келүүчү көптөгөн факторлорду, мисалы, жаш, ден-соолук, англис тилин билүү, финансылык абал жана узак мөөнөттүү медициналык кызматка муктаждыкты эске алуу боюнча жаңы көрсөтмөлөр келди.
Виза арыздары, эгерде арыз берүүчү мурда мамлекеттик финансылык жардам алган болсо, четке кагылуусу мүмкүн.
Томми Пигготт, Мамлекеттик департаменттин расмий өкүлү, департамент иммигранттардын АКШнын социалдык коргоо системасына жүк болуусун алдын алуу үчүн өз ыйгарым укуктарын колдонуп жатканын белгиледи. Ал, бул 75 өлкөдөн иммиграцияга чектөөлөр процедуралар кайра каралмайынча күчүндө болорун кошумчалады.
Жаңы эрежелерден исключениялар өтө сейрек болот жана "public charge" критерийлерине ылайык келүү текшерилгенден кийин гана мүмкүн.
Иммигранттарды бюджет үчүн жүк болууга жол бербөө боюнча нормалар АКШда бир нече он жылдар бою күчүндө болуп келгенине карабастан, алардын колдонулушу саясий кырдаалга жараша өзгөрүп турган. 2019-жылы Дональд Трамптын администрациясы бул нормаларды кеңейтти, бирок Джо Байдендин администрациясында алардын бир бөлүгү жокко чыгарылды.
Мамлекеттик департамент салык төлөөчүлөрдүн кызыкчылыктарын коргоо жана социалдык жардам системасын кыянаттык менен пайдалануунун алдын алуу үчүн визаларды токтотуу максатын белгиледи.
