2026-жылдын 21-январынан баштап Кыргызстандыктар үчүн B-1/B-2 категориясындагы иммиграциялык эмес визаларга арыз бергенде $5 миңден $15 миңге чейин кайтарым залогду төлөө талап кылынат. Бул маалымат АКШнын Мамлекеттик департаментинин сайтында жеткиликтүү документте жарыяланды.
Маанилүү жагдай, залогду АКШнын Каржы министрлигинин системасы аркылуу гана кабыл алынат, ал эми анын төлөмүнө шилтеме консулдук кызматкер тарабынан интервьюдан кийин берилет.
Ошондой эле, залогду төлөө виза алуу үчүн кепилдик эмес экенин эске алуу керек.
Мындан тышкары, залог менен виза алган жарандар АКШга кирип-чыгуу үчүн атайын үч аэропорт аркылуу гана өтүшү керек: Бостондогу Логан, Нью-Йорктогу Джон Кеннеди жана Вашингтондогу Даллес.
Эскертүү катары, бул виза залог программасы 2025-жылдын августунда АКШнын Мамлекеттик департаменти тарабынан пилоттук режимде ишке киргизилген жана башында Малави жана Замбия жарандарын камтыган. 2026-жылдын 1-январынан тартып Түркмөнстан жарандары үчүн да ушундай талаптар күчүнө кирет, ал эми 2026-жылдын 21-январынан тартып Тажикстан жарандары үчүн да ушул талаптар күчүнө кирет. Бул чечим B-1/B-2 визалары боюнча убактылуу мыйзам бузуулар көп болгондуктан кабыл алынды.
