Соттук териштирүү 2024-жылдын декабрь айында Юн Сок Ёльдин өлкөдө аскердик абал киргизүүгө аракет кылгандыгы менен байланыштуу. Бул чечимди ал «Түндүк Кореяны колдогон анти мамлекеттик күчтөргө каршы күрөшүү» зарылдыгы менен түшүндүргөн. Бирок бул режим болгону бир нече саатка созулуп, парламент тарабынан жокко чыгарылган, ал жакта президентти импичментке алуу боюнча да добуш берилген. Натыйжада, Юн Сок Ёль кызматынан четтетилип, кийинчерээк кармалган.
Сот ошондой эле Юн Сок Ёль аскердик абал киргизүү үчүн талап кылынган юридикалык нормаларды бузганын белгиледи.
«Ренхап» агенттигинин маалыматына ылайык, прокуратура мурдагы президент үчүн он жыл эркинен ажыратууну сураган, бирок Юн Сок Ёль өз күнөөсүн мойнуна алган эмес.
Соттун өкүмү азырынча күчүнө кирген жок жана ал аппеляцияга берилүүсү мүмкүн.
«Ренхап» билдиргендей, Юн Сок Ёльге аскердик абал киргизүүгө болгон аракеттери боюнча сегиз кылмыш иши ачылган, ал эми камакка алынууга тоскоолдук кылуу боюнча иш биринчи болуп, өкүм чыгарылган.
Мындан тышкары, мурдагы президентти бийликти басып алуу аракетинде айыпташууда, бул иш боюнча прокуратура өлүм жазасын сураган. Бул иш боюнча өкүм 19-февралда жарыяланат деп күтүлүүдө.
