Монголиянын өнөр жай жана минералдык ресурстар министри Дамдинням Гонгор Кытайдагы визити учурунда CNPC (Кытай улуттук мунай корпорациясы) менен жолугушуу өткөрдү.
Жолугушууда отун жеткирүүнүн көлөмүн көбөйтүү, анын туруктуулугун камсыздоо жана энергетика тармагында кызматташууну кеңейтүү маселелери талкууланды.
Монголиянын атынан сүйлөгөн министр Дамдинням өлкөнүн ички муктаждыктарын туруктуу канааттандырууга умтулуп жатканын белгиледи. CNPC өкүлдөрү да Монголия рыногуна туруктуу жеткирүүлөрдү камсыз кылуу, жеткирүүнүн натыйжалуулугун жогорулатуу боюнча өз мүмкүнчүлүктөрү жана пландары тууралуу маалымат бөлүштү жана келечекте кызматташууну күчөтүүгө даяр экендиктерин билдиришти.
Монголия толугу менен отун импортуна көз каранды, анын 95%ы Россиядан, калган 5%ы Кытайдан келет. Официальдуу визит учурунда тараптар Кытайдан бензин жана башка отун түрлөрүнүн импортун көбөйтүү боюнча макулдашууга келишти.
