Украинадагы конфликтти тынчтык жолу менен чечүү боюнча сүйлөшүүлөрдүн экинчи күнү Женевада медиа үчүн жабык форматта өтөт. Бул тууралуу 18-февралда жергиликтүү дипломатиялык полицияга шилтеме берип, орус маалымат каражаттары маалымдады.
Алардын маалыматына ылайык, сүйлөшүүлөр өтүп жаткан аймакта коопсуздук чаралары жогорку деңгээлде сакталууда. Сүйлөшүүлөрдүн процесси жергиликтүү убакыт боюнча 09:00дө башталды.
Россия, АКШ жана Украина өкүлдөрүнүн ортосундагы көп тараптуу сүйлөшүүлөрдүн үчүнчү этабы 17 жана 18-февралда Женевада өтүүдө. Россия делегациясын президенттин жардамчысы Владимир Мединский жетектесе, Украина тараптан Улуттук коопсуздук кеңешинин катчысы Рустем Умеров өкүлчүлүк кылууда.
