Эл аралык TV BRICS тармагына берген интервьюсунда министр Россиянын Украина боюнча АКШнын сунушуна даяр болгонун, бирок азыр алар даяр эместигин белгиледи. «Анкориджде биз Америка Кошмо Штаттарынын сунуштарына макул болдук... Азыр алар диалогго даяр эмес», — деди Лавров.
Россиянын тышкы иштер министри Москва Вашингтон менен кеңири, өз ара пайдалуу кызматташууга умтулганын, бирок анын ордуна жаңы санкциялар жана эл аралык сууда танкерлеринин кармалышы менен беттешип жатканын кошумчалады. Лавров бул жагдайды БУУнун деңиз укугу боюнча Конвенциясынын бузулушу катары мүнөздөдү.
Министр АКШ Индия жана башка өнөктөштөрдү арзан орус энергетикалык ресурстарын сатып алууда чектөөгө аракет кылып жатканын, ал эми Европага буга чейин мындай сатып алууга тыюу салынганын жана аны америкалык сжиженный табигый газды жогорку баада сатып алууга мажбурлап жатканын билдирди. «Америкалыктар экономикалык үстөмдүккө умтулушууда», — деди ал.
Россия, АКШ жана Украина ортосундагы коопсуздук боюнча үч тараптуу консультациянын биринчи раунду 23–24-январда, экинчиси 4–5-февралда Абу-Дабиде өттү. Россиянын делегациясын РФ Куралдуу Күчтөрүнүн Башкы штабынын начальниги Игорь Костюков жетектесе, украин делегациясын СНБОнун катчысы Рустем Умеров жетектеген. ТАССтын маалыматына ылайык, Украина боюнча тынчтык келишимин макулдашууга кеминде 1,5 ай талап кылынат.
