АКШнын Түштүк командачылыгы берген маалыматка ылайык, эки сокку Тынч океандын чыгыш бөлүгүндө, дагы бир сокку Кариб деңизинде жасалган. Жок кылынган кемелер «террористтик уюмдарга» таандык болуп, наркотиктерди ташуу үчүн белгилүү маршруттарды колдонушкан жана мыйзамсыз наркотик соодасына тартылганы такталган.
АКШга наркотиктерди контрабанда менен алектенген кемелерди жок кылуу операциясы өткөн жылдын августунда башталган. Башында бул кадам Венесуэланын президенти Николас Мадурого басым көрсөтүүгө багытталгандыгы маалымдалган, Вашингтондо аны негизги наркобарондордун бири катары эсептешет.
Операция башталгандан бери 40тан ашык кемелер чөгүп, натыйжада 150гө жакын адам өлгөн. Ошондой эле, жээк инфраструктурасына кеминде бир сокку жасалганы катталган.
Анткен менен, АКШнын президенти Дональд Трамптын каршылаштары жана укук коргоо уюмдары эл аралык сууда соккулардын мыйзамдуулугу боюнча суроолорду көтөрүп, жарандык калк арасында мүмкүн болгон курмандыктар тууралуу эскертүүдө.
