Сүйлөшүүнүн жүрүшүндө Украина президенти Трамптын өкүлдөрү — Стив Уиткофф жана Джаред Кушнер, Россия менен тынчтыкты орнотуу маселелери менен алектенишет, катышканын белгиледи.
«Биз эртең Женевада өтө турган эки тараптуу жолугушууда талкууланчу темаларды, ошондой эле марттын башында пландалган үч тараптуу сүйлөшүүлөрдүн кийинки толук раундуна даярдыкты талкууладык. Бул мамлекет башчыларынын деңгээлинде сүйлөшүүлөргө өтүүгө мүмкүнчүлүк берет деп үмүттөнөбүз. Президент Трамп мындай мамилени колдойт», — деди Зеленский.
Мындан тышкары, украин лидери бардык татаал жана деликаттуу маселелерди чечүү, ошондой эле конфликтти жыйынтыктоо үчүн Владимир Путин менен жеке жолугушуу зарыл экенин баса белгиледи.
Россиянын мамлекеттик агенттиги ТАССтын булагы да Россия, Украина жана АКШ делегацияларынын жолугушуусу марттын башына жылдырылганын тастыктады, бирок жер жана убакыт талкууланууда.
Мурда Украина президентинин Офисинин башчысы Кирилл Буданов Россия жана АКШ менен жаңы сүйлөшүүлөрдү 26-27-февралда өткөрүү пландары жөнүндө билдирген. Жолугушуунун жылдырылышынын себептери такталган жок.
