Ал белгиледи: "Сиздердин бийиктигиңиздер, достук жана коңшулук мамлекеттердин башчылары, биз дипломатия аркылуу согушту алдын алууга аракет кылдык, бирок АКШ жана Израилдин агрессиясы бизди коргоого өтүүгө мажбур кылды. Биз сиздердин суверенитетиңиздерди урматтайбыз жана биздин региондун коопсуздугу менен туруктуулугуна биргелешип жетишүүгө болооруна ишенебиз", - деп жазылган анын социалдык тармактагы Х баракчасында.
[media=https://twitter.com/drpezeshkian/status/2029223535973908722?ref_src=twsrc%5Etfw]
28-февралда израильдик жана америкалык аскерлер Иранга сокку урду. Дональд Трамп өлкөнүн ядролук программасын жок кылуу пландары тууралуу жарыялады.Атакка жооп катары Иран башка Түштүк-Чыгыш өлкөлөрүндөгү, анын ичинде Бахрейн, Катар, Кувейт, Абу-Даби жана Дубай (БАЭ), ошондой эле Эр-Рияд (Сауд Аравиясы) америкалык аскер базаларына сокку урду.
Америкалыктар менен израильдик күчтөрдүн соккусунан Ирандын жогорку лидери аятолла Али Хаменеи өлтүрүлдү. Анын жубайы, Мансуре Ходжасте, соккудан алган жаракаттарынан улам көз жумду.
Трамп ошондой эле Ирандагы аскердик операция төрт жумага созулары тууралуу билдирди. Иранда АКШ жана Израилге каршы жихад жарыяланды, сүйлөшүүлөр тууралуу сөз болбой турганы белгиленди.
Түштүк-Чыгыштагы конфликт глобалдык кесепеттерге ээ, анын ичинде Кыргызстан үчүн. Азыркы учурда БАЭде миңдеген кыргызстандыктар калып калды. Чет өлкөдөгү кыргызстандыктар үчүн элчиликтердин жана консулдуктардын байланыш телефондорун бул жерден таба аласыз.
