Маалыматка караганда, алдамчылар жабырлануучу менен WhatsApp аркылуу байланышып, акчаны шашылыш которуу керектигин ишендиришкен. Транзакция аяктагандан кийин кылмышкерлер кайра байланышка чыкпай калган.
Тергөө учурунда укук коргоо органдары эки шектүүнүн жеке өздүгүн аныкташты — А.А. (2003-жылы туулган) жана М.Б. (2005-жылы туулган). Алар мурда "Оптима" банк картасын ачып, анын маалыматтарын Telegram аркылуу сатышкан. Бул карта жабырлануучудан акча алуу үчүн колдонулган. Ошентип, кармалып алынгандар фактически өз интернет-банкингине үчүнчү жактарга кирүүгө уруксат беришкен, бул дагы кылмыш катары квалификацияланат.
Бул факт боюнча Кыргыз Республикасынын Кылмыш-жаза кодексинин 209-1-беренеси боюнча кылмыш иши козголгон. Шектүүлөр убактылуу кармоо жайында кармалууда. Тергөө уланууда.
Чүй облусунун Ички иштер башкармалыгы банктын карталарын, SIM-карталарды жана башка электрондук төлөм каражаттарын үчүнчү жактарга өткөрүп берүү кылмыш жоопкерчилигине тартылуучу иш экенин эскертет.
