2025-жылдын 15-ноябрында милицияга С.Н. аттуу жаран кайрылып, 13-ноябрда белгисиз адамдар «Ала-Тоо» турак жай массивинде, 23-кучуна келгенин билдирди. Алар Toyota Land Cruiser 300 унаасын алып берүүгө убада берип, анын 29 миң 850 долларын алып, из жашырып кетишкен.
Бул окуя боюнча Ленин районунун Ички иштер башкармалыгынын Тергөө кызматы тарабынан Кыргыз Республикасынын Кылмыш кодексинин 209-беренеси «Алдамчылык» боюнча кылмыш иши козголду.
Оперативдик-издөө иш-чараларынын натыйжасында милиция шектүүлөрдү кармады — 1982-жылы туулган Д.С. жана 2001-жылы туулган К.К. Алар Тергөө кызматына жеткирилип, Кыргыз Республикасынын Кылмыш процессуалдык кодексинин 96-беренесине ылайык Бишкек ШИИБинин убактылуу кармоо жайына жайгаштырылды.
Иш боюнча тергөө уланууда.
