Бул канал ар кандай жасалма документтерди, анын ичинде мамлекеттик жана укук коргоо органдарынын, ошондой эле медициналык жана муниципалдык мекемелердин кагаздарын даярдоого адистешкен. Бул документтер жасалма мөөрлөр менен бекитилип, жарандар тарабынан жеке муктаждыктар үчүн колдонулган.
Бул окуялар менен байланыштуу, Чүй облусунун ГУВДсы Кыргыз Республикасынын Кылмыш кодексинин 379-беренеси (Документтерди жасалмалоо) боюнча кылмыш ишин козгоду.
Тергөө учурунда, 1990-жылы туулган Ч.Ж. аттуу жарандын үйүндө жана анын унаасында жүргүзүлгөн тинтүүдө 800дөн ашык жасалма документтер жана Кыргызстандагы ар кандай мамлекеттик органдардын жана мекемелердин 10 мөөрү табылып, алынып коюлду.
Ч.Ж. аттуу жаран кармалып, Кыргыз Республикасынын Кылмыш-процессуалдык кодексинин 96-беренесине ылайык Бишкек шаарынын ГУВДсынын убактылуу кармоо жайына жайгаштырылды.
Учурда бул кылмыштуу иш-аракеттерге тартылган башка адамдарды аныктоо иштери улантылууда. Экспертизалар дайындалды жана тергөө иштери уланууда.
