Чуй облусунда укук коргоо органдары унаа уурдоого шектелген адамды кармашты, деп билдирди ГУВДнын басма сөз кызматы. Маалыматка ылайык, 2025-жылдын 15-декабрында жергиликтүү тургун Жайыл районунун ОВДсына өзүнүн «Mazda 121» үлгүсүндөгү жашыл түстөгү унаасы уурдалып кеткендиги тууралуу арыз менен кайрылган. Унаа анын үйүнүн жанында, Э. Алыбаев көчөсүндө токтоп турган.
Бул окуя боюнча Кыргыз Республикасынын Кылмыш кодексинин 211-беренесине ылайык кылмыш иши козголду. Оперативдүү-издөө иш-чараларын жүргүзүүнүн натыйжасында милиция кызматкерлери уурдалган унааны Кара-Балта шаарындагы Сосновский бурулушунда табып, рулда 2004-жылы туулган жаран отурган.
Шектүү Кыргыз Республикасынын УПКсынын 96-беренесине ылайык кармалып, убактылуу кармоо жайына жайгаштырылды. Тергөө учурунда ал Калинино айылында мурда болгон эки башка уурдоого да тиешеси болушу мүмкүн экендиги аныкталды. Бул фактылар боюнча дагы кылмыш иштер козголду.
Тергөө уланууда.
