Прокуратуранын маалыматына ылайык, аял 2017-2018-жылдар аралыгында иштеген кылмыштуу топтун мүчөсү болуп шектелүүдө, ал бир нече өлкөлөрдө адамдын органдарын сатып алуу жана сатуу боюнча мыйзамсыз келишимдерди жүргүзгөн.
Шектүүнүн ролу донорлорду жана реципиенттерди издөө, алардын жолугушууларын уюштуруу, купуялуулукту камсыздоо жана органдарды мыйзамсыз трансплантациялоо операцияларын коштоп жүрүүдө болду.
Бул кылмыштуу топтун мүчөлөрү Казакстанда, Кыргызстанда, Арменияда, Тажикстанда, Өзбекстанда жана Азербайжанда иш алып барган. Тергөөчүлөр алардын жаш донорлордон органдарды трансплантациялоо боюнча 56 мыйзамсыз келишимди уюштурганын билдиришүүдө.
Кылмыштуу аракеттерди жасагандан кийин шектүү адилеттиктен качып, беш жыл бою эл аралык издөөдө болгон. Март айында ал Польша чек арасын кесип өтүүгө аракет кылып жатканда кармалып, Башкы прокуратуранын талабына ылайык Казакстанга экстрацияланды.
Учурда аял тергөө абагына жайгаштырылды. Башкы прокуратура инкриминирленген кылмыштар үчүн мүмкүн болгон жаза сегизден он эки жылга чейин эркинен ажыратуу жана мүлктү конфискациялоо экенин белгиледи.
Мындан тышкары, буга чейин бул кылмыштуу уюмдун дагы эки мүчөсү Түркия жана Россиядан Казакстанга кайтарылган.
