Окуя 2025-жылдын 31-декабрында болуп, милицияга Дмитриевка айылынан, 2004-жылы туулган У.И. аттуу жаран оор жаракаттар менен ооруканага жеткирилгендиги тууралуу маалымат түшкөн. Алдын ала маалыматтар боюнча, жаракаттар белгисиз адамдардын кол салуусунан улам алынган.
Чүй облусунун Ички иштер башкармалыгынын фото
Окуя боюнча Кыргыз Республикасынын Кылмыш кодексинин 130-беренеси (Саламаттыкка оор зыян келтирүү) боюнча кылмыш иши козголду.
Оперативдүү-издөө иш-чараларын жүргүзүү учурунда укук коргоо органдарынын кызматкерлери эки шектүүнү кармашты: 2003-жылы туулган Т.Р. жана 2005-жылы туулган А.У. экөө тең убактылуу кармоо жайына жайгаштырылды.
Ошондой эле бул кылмышка тиешеси болушу мүмкүн болгон башка адамдар аныкталды жана алардын үстүнөн тергөө иштери жүргүзүлүүдө.
