Ош облусунун ички иштер башкармалыгы тарабынан берилген маалыматка ылайык, рейд мектеп окуучуларынын ортосундагы конфликттерди алдын алуу жана жаштардын катышуусундагы жол кырсыктарынын санын азайтуу үчүн уюштурулган.
Акциянын алкагында укук коргоо органдары жаштардын чогулган жерлерин: көчөлөрдү, парктарды, скверлерди, спорт аянтчаларын жана компьютердик клубдарды текшеришти.
Рейд учурунда полиция кызматкерлери түнкү убакта чоңдордун коштоосуз көчөдө жүргөн жашы жете элек балдарды аныктап, алардын аракеттеринин мүмкүн болгон кесепеттерин жана мыйзамды бузгандыгы үчүн жоопкерчилик жөнүндө түшүндүрүү иштерин жүргүзүштү.
Иш-чаралардын натыйжасында түнкү убакта үйдөн сыртта жүргөн 23 жашы жете элек бала аныкталды. Алардын ата-энелери жана мыйзамдуу өкүлдөрү менен профилактикалык сүйлөшүүлөр жүргүзүлдү.
Ош облусунда мындай рейддер 11-январга чейин улантылат.
