Иш-чаралардын өткөрүлгөн жерлери ар дайым ар башка болгон жана алардын уюштурулушу үчүн алдын ала ижарага алынган жайлар колдонулган.
Милиция кызматкерлери руханий жана этикалык баалуулуктарды коргоо, ошондой эле жаштар арасында моралдык чирип кетүүнүн алдын алуу максатында, мындай аракеттерди алдын алуу жана ыкчам аныктоо боюнча комплекстүү иш-чаралар өткөрүлүп жатканын белгилешти.
Натыйжада беш кызга (2002, 1996, 2001, 1999 жана 2001-жылдары туулган) Кыргыз Республикасынын укук бузуулар кодексинин 109-беренеси боюнча «порнографиялык мүнөздөгү буюмдарды таратуу» боюнча административдик протоколдор түзүлдү. Ар бир укук бузуучуга 10 миң сом айып пул салынды.
Мындан тышкары, бул иш-чаралар өткөн клубдун бири жабылды жана ага да айып пул салынды.
Милиция жарандарды коомдук моралдык нормаларды жана мыйзамдарды сактоого чакырып, порнографиялык материалдарды, анын ичинде интернет жана мессенджерлер аркылуу таратууга катышуу жоопкерчиликке алып келиши мүмкүн экенин эскертти.
