Маалыматка ылайык, посттун кызматкерлери айдоочулардан мыйзамсыз акча суммаларын 1ден 5 миң сомго чейин алып, жүк ташуучу унаалардын уруксат берилген массасын ашырып өтүүсүнө уруксат берип турушкан. Алдын ала баалоолор боюнча, бул посттордон күн сайын 150дөн 200 жүк ташуучу унаа өтүп турган.
Аныкталган фактыларга байланыштуу Ички иштер министрлигинин тергөө органдары Кыргыз Республикасынын Жазык кодексинин 337-беренеси «Кызмат абалынан кыянаттык менен пайдалануу» боюнча кылмыш ишин козгоду. Оперативдик иш-чаралардын жүрүшүндө Ички иштер министрлигинин уюшкан кылмыштуулукка каршы күрөшүү башкы башкармалыгы весогабариттик посттун бир нече кызматкерлерин пара алып жаткан жеринен кармашты. Кармалгандардын арасында А.З. (1991 ж.т.), С.У. (1981 ж.т.), А.А. (1998 ж.т.), А.Р. (1994 ж.т.), М.М. (1979 ж.т.), Т.Т. (1973 ж.т.) жана А.Б. (1994 ж.т.) бар, аларга кармоо чарасы катары камакка алуу тандалды.
