Казакстандын биринчи президенти Нурсултан Назарбаевдин кичүү эжеси Анипа Назарбаева эң ири салык карыздары боюнча антирейтингге кирди, деп билдирет Tengrinews.kz.
Мамлекеттик кирешелер комитети тарабынан берилген маалыматка ылайык, анын компаниясы 92 миллиард тенгеден ашык карызга баткан.
«2026-жылдын 1-январына карата ТОО GROUP OF THE COMPANIES TDAнын салык жана башка милдеттүү төлөмдөр боюнча карызы 92 миллиард 307 миллион 598 миң тенге түзөт», — редакциянын суроосуна расмий жоопто айтылган.
Мындан тышкары, комитетте компания банкроттук процессин баштагандыгын жана бул иш азыр сотто каралып жаткандыгын белгилешти.
