Министрликтин маалыматына ылайык, 3-февралдан тарта издөө иштерине Ош облусунун Өзгөчө кырдаалдар министрлигинин өкүлдөрү, ошондой эле 12 куткаруучудан турган Республика аралык куткаруу отряды катышууда. Аларга жергиликтүү милиция кызматкерлери, район бийлиги жана тургундар кошулду. Издөө операциясына катышкан жалпы адам саны 126 адамды түзөт. Жолдорду тазалоо үчүн атайын техника колдонулууда.
Мындан тышкары, мурда Өзгөчө кырдаалдар министрлиги бул региондо кар көчкү коркунучу жогору экендиги тууралуу бир нече ирет эскерткен.
