Берилген маалыматка ылайык, 2003-жылы коомдук бирикме «Тобой» жетекчиси С.Т.Д. Талас облустук кадастр башкармалыгынын жана Талас суу чарба башкармалыгынын кызмат адамдары менен сүйлөшүп, калктын жашоо-тиричилигин камсыз кылган объектилерди мыйзамсыз приватизациялаган.
«Б» категориясына кирген стратегиялык объекттер (сууну алуу жайлары) кызматтык жалган документтер аркылуу коомдук уюмдун балансына өткөрүлүп, андан кийин жеке колдорго берилген.
Сөз болуп жаткан объектилер 1,7 гектар, 0,68 гектар жана 1 гектар аянттагы жер тилкелерин жана тиешелүү инфраструктураны камтыйт. Алардын жалпы баасы 36 миллион 415,4 миң сомду түзөт.
Жүргүзүлгөн тергөө иш-чараларынын натыйжасында калктын жашоо-тиричилигин камсыз кылган аталган объектилер мамлекеттик менчикке кайтарылды.
